सोलापूर : बेंगळुरू येथील ‘आर्ट ऑफ लिव्हिंग’ संस्थेने सोलापूरमधील ए. जी. पाटील अभियांत्रिकी महाविद्यालयात एक कार्यशाळा आयोजित केली होती. ‘आर्ट ऑफ लिव्हिंग’चे विशाखा परुळेकर व सुमित शिर्के यांच्या हस्ते कार्यशाळेचे उद्घाटन करण्यात आले.
कार्यशाळेत विशाखा परुळेकर यांनी सॉफ्टस्किल, कम्युनिकेशन स्किल, प्रेझेंटेशन स्किल, बॉडी लँग्वेज, टाइम मॅनेजमेंट, इंटरपर्सनल स्किल, पर्सनॅलिटी डेव्हलपमेंट, डिजिटल मेकिंग अॅबिलिटी, कॉर्पोरेट स्किल, मेल अॅटिट्यूड, ग्रुप डिस्कशन, पर्सनल इंटरव्ह्यू याबद्दलची माहिती दिली.
कार्यशाळेला अध्यक्ष ए. जी. पाटील, सचिव एस. ए. पाटील, संचालक डॉ. एम. ए. चौगुले, प्राचार्य डॉ. एस. ए. पाटील, उपप्राचार्य प्रा. व्ही. व्ही. पोतदार उपस्थित होते. तसेच सोलापूरमधील अभियांत्रिकी महाविद्यालयांतील १८० विद्यार्थ्यांनी कार्यशाळेत सहभाग घेतला.
कार्यक्रमाचे सूत्रसंचालन मिस्बा अत्तार यांनी केले. आभार प्रा. एस. व्ही. पाटील यांनी मानले. कार्यक्रम यशस्वीरीत्या पार पडण्यासाठी ‘इलेक्ट्रॉनिक्स अँड टेलिकम्युनिकेशन इंजिनीअरिंग’चे विभागप्रमुख प्रा. एस. जे. लिगाडे, प्रा. एस. व्ही. पाटील यांनी विशेष परिश्रम घेतले.